यस राजदुतावासव्दारा नेपाली नागरिकहरुलाई प्रदान गरिने सेवाहरुः
१. नेपाली राहदानी जारी ।
२. एकतर्फी यात्रा अनुमति पत्र जारी ।
३. हराएको राहदानीको सट्टा नयां राहदानी जारी ।
४. आमा वा वावुको राहदानीमा बच्चाको फोटो तथा विवरण समावेश गर्ने ।
५. अधिकृत वारेसनामा दिनेको हस्ताक्षर प्रमाणीकरण ।
६. बिभिन्न कागजातहरु प्रमाणीकरण ।
७. कन्सुलर सम्बन्धी अन्य कार्यहरु ।

१. राहदानीः
गणतन्त्र कोरियामा बिभिन्न व्यबसायमा बसोवास गरी रहनु भएका नेपाली नागरिकहरुको राहदानीको म्याद छ महिनाभन्दा कम भएमा वा म्याद सकिएमा आबश्यक कागजातहरु तथा तोकिएको शुल्क राजदुतावासमा बुझाएपछि नयां नेपाली राहदानी जारी गरिने छ । सो को लागि निम्न कागजात आबश्यक पर्ने छ ।
(क) पुरानो राहदानीको सक्कल तथा प्रतिलिपि
(ख) नेपाली नागरिकताको प्रमाणपत्र तथा सो को प्रतिलिपि
(ग) एक प्रति राहदानी फारम भर्ने ।
(घ) हालै खिचिएको १.५ x १.५ साइजको ३ प्रति फोटो
(ड०)शुल्कः कोरियन वन ८०,०००।

२. यात्रा अनुमति पत्रः
कोरियामा रहेका कुनै नेपाली नागरिकको राहदानी हराएको वा नष्ट भएको र तुरुन्तै नेपाल फर्कन आबश्यक भएको कारण जनाई सम्बन्धित व्यक्तिले साधारण राहदानी प्राप्त गर्नको लागि आबश्यक पर्ने प्रकिया पुरा गरी राहदानी फारम समेत भरी यस राजदुतावासमा निवेदन दिएमा नियम बमोजिम यात्रा अनुमति पत्र जारी गर्न सकिने छ ।
(क) राहदानी हराएको वा नष्ट भएको प्रमाण सहित निवेदन
(ख) नेपाली नागरिकताको प्रमाणपत्रको सक्कल तथा प्रतिलिपि
(ग) एक प्रति राहदानी फारम भर्ने ।
(घ) हालै खिचिएको १.५ x १.५ साइजको ३ प्रति फोटो
(ड०)शुल्कः कोरियन वन ४०,०००।

३. हराएको राहदानीको सट्टामा नयां राहदानी जारीः
आफ्नो राहदानी हराएमा राहदानीको सम्पुर्ण् विवरण उल्लेख गरी नजिकको प्रहरी कार्यालयमा सूचना गरेपछि प्रहरी प्रतिवेदन सहित नयां राहदानी लिन चाहिने सम्पूर्ण् कागजात (कागजातको नामहरु नं १ मा उल्लेख गरिएको छ) राजदुतावासमा पेश गर्नु पर्ने छ । राजदुतावासले आबश्यक छानविन गरी हराएको राहदानीको सट्टामा नयां राजदानी जारी गर्न सक्ने छ । छानविनको निम्ति एक निश्चित अबधि तोकिने छ ।

४. बच्चाको फोटो तथा विवरण आमा वा वावुको राहदानीमा समाबेश गर्नेः
आफ्नो बच्चा समेत आमा या वावुको राहदानीमा समावेश गर्नको निम्ति निम्न कागजात आबश्यक पर्नेछ ।
(क) आमा र वावु दुवैजनाको तर्फाट संयुक्त निवेदन
(ख) वच्चाको जन्म दर्ता प्रमाणपत्रको प्रतिलिपि तथा दुइप्रति पासपोर्ट साइजको फोटो ।
(ग) आमा वावुको विवाह दर्ता प्रमाणपत्र तथा राहदानीको प्रतिलिपि
(घ) बच्चा समावेश गर्नु पर्ने आमा वा वावुको सक्कल राहदानी ।
(ड०)शुल्कः २५००० कोरियन वन ।

५. जन्म मिति तथा नाम संशोधनः
नागरिकता अनुसार राहदानीमा जन्म मिति वा नाम, ठेगाना फरक पर्न गएमा संशोधनको लागि सम्बन्धित व्यक्तिले नागरिकताको प्रमाणपत्रको सक्कल तथा प्रतिलिपि निवेदनसाथ संलग्न गरी राजदुतावासमा अनुरोध गर्नु पर्ने छ ।
शुल्क कोरियन वन २५०००।

६. पेशा परिवर्तनः
कृषि र मजदुर वाहेक राहदानीमा अन्य पेशा पविर्तन गर्नु परेमा निवेदनसाथ परिवर्तन गर्नु पर्ने पेशाको सप्रमाण पेश गर्नु पर्ने छ । शुल्कः कोरियन वन २५०००।

७. अधिकृत वारेसनामाः
(क) अधिकृत वारेसनामा दिने व्यक्तिव्दारा व्यहोरा खुलाई निवेदन पेश गर्नु पर्ने छ । (ख) आफैं राजदुतावासमा उपस्थित भई नियोग प्रमुखको रोहवरमा अधिकृत वारेसनामामा सहीछाप गर्नु पर्ने छ ।
(ग) कानून बमोजिम दुइप्रति लिखत -अधिकृत वारेसनामा)
(घ) अधिकृत वारेसनामा दिने र लिने दुवैको नागरिकताको प्रमाण पत्रको प्रतिलपि
(ड०) अधिकृत वारेसनामा दिने र लिने दुवैको हालै खिचिएको दुई दुई प्रति फोटो
(च) दुइजना किनारा सांक्षी बस्ने व्यक्ति तथा शुल्क कोरियन वन २५०००।

८. कागजात प्रमाणीकरणः
नेपाल सरकारको परराष्ट्र मन्त्रालयबाट प्रमाणीकरण गरिएको कागजातहरु सम्बन्धितलाई आबश्यक परेमा यस राजदुतावासबाट प्रमाणीकरण गरिने छ । सो को लागि निम्नानुसार कागजात आबश्यक पर्नेछ ।
(क) के के कागजात प्रमाणीकरण गर्ने हो सो उल्लेख गरिएको निवेदन ।
(ख) प्रमाणीकरण गर्नु पर्ने परराष्ट्र मन्त्रालयबाट प्रमाणित हरेक कागजातको सक्कल तथा प्रतिलिपि ।
(ग) शुल्कः प्रति कागजात कोरियन वन २५०००।

९. नागरिकता परित्यागः
नेपाली नागरिकता परित्याग गर्न चाहने नेपाली नागरिकले आबश्यक निवेदन फारम भरी राजदुतावासमा पेश गर्नु पर्ने छ । राजदुतावासले आबश्यक प्रकृया पुरा गरी सो सम्बन्धमा जानकारी उपलव्ध गराउने छ ।

१०. गणतन्त्र कोरियामा वसोवास गरिरहनु भएका कुनै नेपाली नागरिकको मृत्यु भएमा मृतककको आफन्तले लाश नेपाल लैजान चाहेको अबस्थामा मृत्यु प्रमाणपत्र तथा अन्य आबश्यक कागजातको आधारमा त्यसतो लाश नेपाल लैजानको निम्ति राजदुतावासबाट No Objection Certificate जारी गरिने छ ।

११. माथि उल्लेखित भएको अतिरिक्त नेपाल सरकारबाट पाउनु पर्ने कुनै पनि प्रकारको कानून तथा व्यवहार सम्मत सहयोगको निम्ति राजदुतावासमा सर्म्पर्क राख्न सकिनेछ । त्यस्तो निवेदन या कुनै प्रकारको सूचना या अनुरोध प्राप्त भएमा राजदुतावासले यथासम्भव शीघ्र सहयोग उपलव्ध गराउने छ ।

१२. उल्लेखित कामको लागि तोकिएको शुल्कहरु नेपाल सरकारव्दारा समय समयमा परिवर्तन हुन सक्ने छ । साथै राजदुतावासमा आफ्नो कामको निम्ति तिरेको कुनैपनि शुल्कको रसिद लिन नभुल्नु होला ।